Areni Wine Festival
շբթ, հկտ 03
ամսաթիվ՝
հոկտեմբեր 03, 2026
ժամ՝
11:00 - 20:00
վայր՝
Areni Village, Vayots Dzor
մուտքավճար՝
Անվճար
Արենիի Գինու Փառատոն (հոկտեմբերի 3)
2026 թվականին Արենիի Գինու Փառատոնը կանցկացվի հոկտեմբերի 3-ին՝ Վայոց Ձորի մարզի Արենի գյուղում՝ հայկական գինեգործության բնօրրանում։
Արենին հայտնի է որպես խաղողագործության և գինեգործության կենտրոն, որտեղ դարեր շարունակ տեղի բնակիչները մշակել են խաղող և արտադրել գինի՝ պահպանելով սերնդեսերունդ փոխանցվող ավանդույթները։ Գրեթե յուրաքանչյուր ընտանիք իր տան բակում կամ այգում ստեղծել է գինեգործության համար իդեալական պայմաններ՝ դարձնելով Արենին Հայաստանի բազմահազարամյա գինու մշակույթի կենդանի վկայություն։
Փառատոնի նպատակն է աշխարհին ներկայացնել Հայաստանի 6,100-ամյա գինեգործական ժառանգությունը՝ ամրապնդելով Արենիի և Հայաստանի դիրքը միջազգային գինու քարտեզում։
Տարիների ընթացքում փառատոնը զգալիորեն խթանել է գինու տուրիզմի զարգացումը և նպաստել համայնքի տնտեսական աճին և սահմանամերձ համայնքի կենսամակարդակի բարձրացմանը։ Ստեղծվել են նոր գինեգործարաններ, ավելացել են գաստրո-բակերը, շարունակաբար բարելավվել է խաղողի տեսակների որակը։ Վերջին 15 տարիների ընթացքում գյուղում բացվել է 18 նոր հյուրատուն և 5 տնային ռեստորան, իսկ ընտանեկան գինեգործների թիվն աճել է շուրջ 130-ով։
Այս բացառիկ տոնակատարությունը հանդիսանում է համայնքային զարգացման, մշակութային փոխանակման և կայուն զբոսաշրջության հզոր հարթակ՝ աշխարհին պատմելով հայկական գինու պատմությունը։
Ամսաթիվ․ հոկտեմբերի 3
Վայր․ Վայոց Ձորի մարզ, Արենի գյուղ
Ժամ․ 11:00 – 20:00