Երևանյան Գինու Օրեր 2026
ուրբ, հնս 05 - կրկ, հնս 07
Շաա՜տ գինի, ավելի քան 100 գինեգործական ընկերություն, համեղ ուտեստներ և ջերմ երևանյան երեկոներ՝ լցված կենդանի երաժշտությամբ ու հազարավոր այցելուներով։
Հունիսի 5–7-ը, արդեն 10-րդ անգամ, Երևանի սրտում կանցկացվի գինու սիրահարների ամենասպասված միջոցառումը՝ Երևանյան Գինու Օրերը, որը համախմբում է գինեգործների և զբոսաշրջիկների աշխարհի տարբեր երկրներից՝ Երևանը վերածելով միջազգային գինեգործական կենտրոնի։
2025 թվականին փառատոնը հյուրընկալել է ավելի քան 180,000 այցելու, ներկայացվել է ավելի քան 1,000 տեսակի գինի, իսկ մասնակցող ընկերությունների թիվը գերազանցել է 250-ը։ Այս տարի ևս Երևանյան Գինու Օրերը խոստանում են յուրահատուկ մթնոլորտ՝ հայկական գինու և գաստրոնոմիայի սիրահարների համար։
Երևանյան Գինու Օրերը տարեցտարի ապացուցում են, որ հայկական գինին պարզապես խմիչք չէ․ այն մշակույթ է, ժառանգություն և ապագա։
Փառատոնին մասնակցելով՝ դուք կունենաք հնարավորություն՝
• բացահայտելու հայկական գինեգործության դարավոր ավանդույթներն ու հարուստ պատմությունը
• անձամբ հանդիպելու գինեգործներին և ծանոթանալու նրանց գինեգործարանների պատմությանը
• մասնակցելու տարբեր խաղերի և ակտիվությունների՝ շահելով հետաքրքիր մրցանակներ
• մասնակցելու գլխավոր խաղարկությանը և շահելու բազմատեսակ արժեքավոր նվերներ
• վայելելու բարձրորակ կենդանի երաժշտություն՝ համադրելով հանգիստը, գինին և համեղ խորտիկները
Միացե՛ք մեզ հունիսի 5–7-ը՝ միասին նշելու այս մշակույթը, վայելելու հայկական գինիների բացառիկ համերն ու Երևանի տոնական տրամադրությունը։