Things to Do
NATURE & ADVENTURE
Բնությունն ու կենդանական աշխարհը
Բնությունն ու
Բնությունն է կանչում։
Բուսականություն և կենդանական աշխարհ
Թեպետ Հայաստանը փոքր երկիր է, այնուամենայնիվ հարուստ է բնօրինակ բուսատեսակներով ու կենդանական աշխարհով, արգելավայրերով, բնության հուշարձաններով և ազգային պարկերով, որոնք կարող եք բացահայտել և վայելել։
Կենդանիներ և թռչուններ
Վայրի բնությունը սահմաններ չի ճանաչում։ Հայաստանում կարելի է հանդիպել գորշ արջերի, մուֆլոնների (լեռնային ոչխար), բեզոարյան այծերի, կովկասյան ընձառյուծների, եղջերուների, կարմրախայտ ձկների, հայկական որորների, սև կռունկների, կովկասյան մարեհավերի և այլ հազվագյուտ կամ վերացման եզրին գտնվող տեսակների։
Վայրի բնությունը բացահայտելու լավագույն վայրերը
Հայաստանի գրեթե բոլոր անկյուններում հնարավոր է հանդիպել բազմազան կենդանիների և թռչունների, սակայն կան որոշակի տարածքներ, որտեղ առավել հաճախ կարող եք տեսնել յուրահատուկ տեսակներ։ Վերցրե՛ք հեռադիտակը և պատրաստվե՛ք բացահայտելու վայրի բնության հրաշքները Արփիի, Արևիկի, Սևանի և Դիլիջանի ազգային պարկերում, Խոսրովի անտառի պետական արգելոցում, Արագած լեռան լանջերում, Արմաշի ձկնաբուծարաններում, Ուրց լեռնաշղթայում և Մեղրի քաղաքի շրջակայքում։
Հայաստանը իդեալական վայր է թե՛ թռչնաբանների, թե՛ վայրի բնության սիրահարների համար։
Բույսեր և բուսականություն
Թեև Հայաստանի ամբողջ տարածքի ընդամենը 11%-ն է ծածկված անտառներով ու կանաչ տարածքով, այնուամենայնիվ այնտեղ աճում են ծառերի և բույսերի բացառիկ բազմազանություն։ Այստեղ կարող եք տեսնել հաճարենիներ, կաղնիներ, ինչպես նաև բոխու և սոճու ծառեր։ Կհանդիպեք նաև կեների, բաղեղների և հայկական արոսենիների:
Ո՞ւր գնալ
Բույսեր և դեկորատիվ ծառեր կարող եք տեսնել Երևանի Բուսաբանական այգում, Լոռու և Տավուշի՝ Իջևանի Դենդրոպարկերում։
Բնական հուշարձաններ
Հայաստանի լեռները, մարգագետիններն ու կիրճերը ստեղծում են աննման տեսարաններ, սակայն այստեղ կարելի է այցելել նաև բազմաթիվ բնական հուշարձաններ՝ լճեր, ջրվեժներ, կիրճեր և քարայրներ (որոշ դեպքերում պահանջվում է հատուկ թույլտվություն)։ Օրինակ՝ Վեդիի մոտ կարող եք տեսնել «Հրեշտակի կիրճ»-ը, Արենիում՝ «Թռչունների քարանձավ»-ը, Ենոքավանում՝ «Լաստիվեր»-ը, Լոռիում՝ «Թռչկանի ջրվեժ»-ը, Դսեղում՝ «Ծովեր լիճ»-ը կամ Դիլիջանում՝ «Պարզ լիճ»-ը։
Ստեփանավանում դուք կհիանաք Ձորագետի կիրճի հիասքանչ տեսարանով։ Իսկ ներկայացվածները ընդամենը փոքրիկ օրինակներ են․ Հայաստանում բացահայտելու դեռ շատ վայրեր կան։ Որպեսզի ձեր ճանապարհորդությունը դառնա առավել հիշարժան, նշված տեղանքում կարող եք փորձել նաև բացօթյա արկածներ, որոնցից են ձիավարությունը, թռչունների թռիչքին հետևելն ու վայելելը, ձկնորսությունը, զիփլայնն ու այլ հետաքրքիր զբաղմունքներ։
Շտապե՛ք, բնությունն է կանչում․․․
Experiences
Կիսեք ձեր կարծիքը