Բարի գալուստ Երևան՝ աշխարհի ամենահին և միևնույն ժամանակ ամենաժամանակակից քաղաքներից մեկը, որը ժամանակի ընթացքում փոխվել է՝ պահպանելով իր անկրկնելի առանձնահատկությունները։

Երևանը միշտ կզարմացնի ձեզ իր վառ գույներով և կենսուրախ մթնոլորտով։ Եվ մի՛ անհանգստացեք, նույնիսկ եթե սա ձեր առաջին այցը չէ․ Երևանում ձանձրանալու առիթ երբեք չեք ունենա։

Երևանի նորաբաց ճաշարանները, փաբերն ու սրճարանները իրենց առանձնահատուկ ոճով դարձել են քաղաքի նոր այցեքարտը։ Շրջե՛ք Փարպեցու, Արամի և Պուշկինի փողոցներով, վայելելե՛ք տեղական տաղանդավոր խմբերի ու երգիչների կենդանի կատարումները, միևնույն ժամանակ ճաշակե՛ք որևէ բացառիկ ուտեստ՝ տեղացի շեֆ-խոհարարից, կամ յուրահատուկ կոկտեյլ՝ տեղացի բարմենից։

Չմոռանաք նաև համտեսել հայկական ավանդական ուտեստները, ինչպիսիք են խորովածը, տոլման, հարիսան կամ ղափաման, որոնք սովորաբար ընդգրկված են տեղացիների ճաշացանկում։ Հարցրե՛ք այդ ուտեստների մասին Երևանի ցանկացած ճաշարանում և վայելեք ձեր կյանքում ունեցած ամենահետաքրքիր գաստրոնոմիական փորձառություններից մեկը։

Երևանի ինքնատիպ և յուրօրինակ հնարավորությունները նրա հմայքի մի մասն են կազմում։ Ուզու՞մ եք զիփլայն անել հե՛նց քաղաքի կենտրոնում։ Խնդիր չկա․ Երևանում կա հատուկ զիփլայն այգի։ Կարող եք նաև ստուգել ներկայացումների ժամանակացույցը և ամրագրել տոմս՝ վայելելու օպերա, բալետ կամ թատերական ներկայացում։ Նրանց համար, ովքեր ցանկանում են ժամանակ անցկացնել ընտանիքի հետ, Երևանում կան զվարճանքի այգիներ և առևտրի կենտրոններ։ Իսկ եթե նախընտրում եք ավելի հանգիստ ու խաղաղ երեկոներ, արժե զբոսնել Սիրահարների, Անգլիական կամ Երևանի 2800-ամյակի այգիներից որևէ մեկում։ Ձեր երևանյան այցի ընթացքում անպայման փորձեք լեգենդար Արարատ կոնյակը՝ շոկոլադի կամ դեղձի հետ։ Իսկ սա Երևանի հնարավորությունների ընդամենը մի մասն է․ պարզապես ամրագրե՛ք ձեր թռիչքը և ստեղծեք ձեր իսկ անմոռանալի փորձառությունները այստեղ։

Ինչպես շրջել Երևանում

Երևանի կենտրոնը փոքր է, բայց միևնույն ժամանակ հագեցած է տեսարժան վայրերով։ Եթե ձեր ժամանակը սահմանափակ է, առաջարկում ենք կարճ զբոսաշրջային ուղեցույց՝ ոտքով բացահայտելու Երևանի հին ու նոր շունչը։ Շրջագայության ընթացքում մի՛ մոռացեք կանգ առնել ու համտեսել համեղ խորտիկներ։

Ձեր շրջայցը սկսեք Երևանի Հանրապետության հրապարակից՝ ծանոթանալով քաղաքի կենտրոնը շրջապատող դասական ոճի շենքերի հարդարանքին և գեղեցիկ զարդաքանդակներին։ Այնուհետև շարունակեք քայլել դեպի Աբովյան փողոցում տեղակայված Օպերայի և բալետի թատրոն՝ վայելելով 19-րդ դարի ճարտարապետական հրաշքը։

Այնտեղից զբոսնեք մինչև Կասկադ համալիր, որտեղ կարող եք նախ տեսնել բացօթյա ժամանակակից արվեստի հավաքածուն, իսկ հետո աստիճաններով բարձրանալ վեր՝ վայելելու Երևանի հիանալի տեսարանը Արարատ լեռան ֆոնին։ Վերջում, եթե դեռ ժամանակ ունեք, կարող եք քայլել մինչև Հաղթանակի այգի՝ տեսնելու Մայր Հայաստանի արձանը և նկարելու Երևանի վրա բացվող գեղեցիկ պանորամաներ։

Երևան․ անցյալից եկող քաղաք

Գիտեի՞ք, որ Երևան քաղաքն ավելի քան 2800 տարեկան է։ Հնագույն քաղաքը, որին Էրեբունի են անվանել հիմնադրվել է հենց Երևանի տարածքում՝ մ.թ.ա. 782 թվականին։ Քաղաքը շարունակաբար բնակեցվել է հաջորդող դարերի ընթացքում, ինչը Երևանը դարձրել է աշխարհի ամենահին քաղաքներից մեկը։

Եթե այցելեք Երևանի պատմության թանգարան, կտեսնեք Երևանի «Ծննդյան վկայականը»։ Գուցե այն ծիծաղելի է հնչում, բայց դա ճշմարիտ է։ Երևանում գտնվել է սեպագիր արձանագրություն, որտեղ նշված է, որ Ուրարտուի արքա Արգիշտին կառուցել է Էրեբունին։ Սրա ամենավառ ապացույցը Երևանի փողոցներով զբոսնելն ու այնտեղ կանգնած շենքերը տեսնելն է, քանի որ նրանք քաղաքի անցյալի ու ներկայի լուռ վկաներն են։

Չենք կարող խոսել Ուրարտական ժամանակների Երևանի պատմության մասին ու անտեսել Էրեբունիի ամրոցը։ Երևանն իր անվանումն ստացել է Էրեբունիից՝ ժամանակների ընթացքում Բ տառի Վ-ի փոխվելու արդյունքում։ Էրեբունիի պատմահնագիտական արգելոց-թանգարանի տարածքում կարող եք տեսնել հենց այդ վայրից հայտնաբերված գտածոները՝ թանգարանի ցուցասրահներում և շրջել Էրեբունի ամրոցում՝ հիանալու այն պատմական շերտերով, որոնք բացահայտվել են հնագիտական պեղումների շնորհիվ։ Եթե ցանկանում եք հասկանալ Երևանի ու Ուրարտուի քաղաքակրթության կապը, ապա անպայման արժե այցելել Էրեբունի ամրոցն ու թանգարանը։

Երևանը հայտնի է նաև որպես վարդագույն քաղաք։

Քաղաքի շատ շինություններ կառուցված են վարդագույն տուֆ քարից, որի պատճառով էլ այն ստացել է «Վարդագույն քաղաք» անունը։

Երևան քաղաքի ներկայիս գլխավոր հատակագիծը նախագծվել է 20-րդ դարում՝ ճարտարապետ Ալեքսանդր Թամանյանի կողմից։

Եթե այցելեք Կասկադ համալիր, կտեսնեք Թամանյանի արձանը, իսկ նրա աջ կողմում՝ Երևանի կենտրոնի մանրակերտը։

Երևանի ամենաերկար պողոտան Արշակունյացն է՝ մոտ 6000 մետր երկարությամբ։ Այն ձգվում է Երևանի կրկեսի շենքից մինչև Արարատ մարզից Երևանի մուտք։

Այլ երկար պողոտաներից են Մեսրոպ Մաշտոցի, Ադմիրալ Իսակովի և Մյասնիկյանի պողոտաները։

Կիսեք ձեր կարծիքը

Առնչվող բլոգ գրառումներ

11 Parks and Natural Attractions of Yerevan

Discover picnic spots, green spaces to relax with a book or good parks to enjoy and run or walk in Yerevan.

#Culture and lifestyle #Activity #Nature

How to Plan a Date Night in Yerevan

Are you ready to embark on a romantic adventure in Yerevan? Look no further! We have everything you need to organize a perfect date night in our lovey-dovey city.

#Culture and lifestyle #Yerevan #Activity

Top 5 Non-Touristy Things to Do in Yerevan

Yerevan is all about wandering the narrow streets, exploring the not-so-popular corners of different districts, catching the vibes of this old but also modern city, and so much more!

#Yerevan #Activity

DIY Field Trips for Children in Yerevan

Fun times with your kids await you in Yerevan. If you are looking for an entertaining and educational way to spend time with your kids, look no further than these DIY field trips!