Places to Go
ՅՈՒՆԵՍԿՕ-ի ժառանգությունը
ՅՈՒՆԵՍԿՕ-ի
Հայաստանը բազմազան գանձերով օժտված թաքնված մի մարգարիտ է, որն ունի հինավուրց պատմություն և համարվում է աշխարհի ամենահին ժողովուրդներից մեկը։ Դարերի խորքից մեզ հասած ավանդույթներն ու մշակույթը պահպանվել են և շարունակում են ապրել մինչ մեր օրերը։ 1996 թվականից ի վեր ՅՈՒՆԵՍԿՕ-ի համաշխարհային ժառանգության ցուցակում ընդգրկված են Հայաստանի երեք մշակութային կոթողներ։ Թեև Հայաստանը աշխարհագրական չափերով փոքր է, այնուամենայնիվ մշակութային հարուստ օջախ է, որն իր հյուրընկալ դռները բացում է բոլորի առջև՝ հրավ
ՅՈՒՆԵՍԿՕ-ի ժառանգությունը
1.
Գեղարդի վանք
2.
Հաղպատի վանք
3.
Սանահինի վանք
4.
Զվարթնոցի տաճար
5.
Էջմիածնի մայր տաճարն ու եկեղեցիները
01
Գեղարդի վանքը և Ազատ գետի վերին հովիտը
Ազատ գետի վերին հովտի անաղարտ բնության գրկում, վեհաշուք ժայռերի հսկող հայացքի ներքո է տեղակայված Գեղարդի վանքը։ Այս միջնադարյան հրաշագեղ վանական համալիրը մասամբ փորագրված է հենց ժայռերի մեջ, ինչի պատճառով էլ հնում կոչվել է Այրիվանք՝ «ժայռերում կառուցված վանք»։
14-րդ դարում այն ստացավ «Գեղարդ» անվանումը, քանի որ վանքում ավելի քան հինգ հարյուր տարի պահվել է Սուրբ Գեղարդը, այն սրբազան զենքը, որով խոցվել էր Քրիստոսի կողը։
Իմանալ ավելին
02
Հաղպատի և Սանահինի վանքերը
Լոռու գեղատեսիլ բնության գրկում ծվարած Հաղպատի և Սանահինի վանական համալիրները 10-րդ և 11-րդ դարերի հայկական ճարտարապետության վերածննդի փայլուն օրինակներից են։
Այս վանական համալիրները ծառայել են որպես հոգևոր, մշակութային և կրթական կենտրոններ՝ խթանելով փիլիսոփայության, բժշկության, հռետորաբանության և երաժշտության զարգացումը։
Իմանալ ավելին
03
Էջմիածնի մայր տաճարն ու եկեղեցիները, Զվարթնոցի հնավայրը
Էջմիածնի եկեղեցիները և Զվարթնոցի հնագիտական հուշարձանը եղել են քրիստոնեության ծնունդի անմիջական վկաները Հայաստանում և հայկական ճարտարապետության յուրահատուկ ոճի բացառիկ օրինակներ են։ Դրանք միաժամանակ արտացոլում են հայկական ճարտարապետության բնորոշ գծերը, և ի ցույց են դնում նորարար մոտեցումներ, որոնք գերազանցում էին իրենց դարաշրջանի չափանիշները և տարբերվում էին այլ կոթողներից։ Էջմիածնի մայր տաճարը համարվում է ոչ միայն Հայաստանի, այլև ողջ աշխարհի ամենահին քրիստոնեական տաճարը։
Տարածքը օգտագործվել է դեռ հին ժամանակներից։ Հնագիտական պեղումները վկայում են, որ Քարե, Բրոնզի և Երկաթի դարերում՝ դեռևս քրիստոնեության տարածումից առաջ, այն արդեն սրբավայր է եղել։
Իմանալ ավելին
Կիսեք ձեր կարծիքը